آسر ياسين: السعي هو الباب وشريف عرفة منحني فرصة مميزة

موقع بصراوي | الفن والمشاهير

استضاف المسرح المكشوف في دار الأوبرا المصرية، اليوم الاثنين 16 نوفمبر، جلسة حوارية للنجم آسر ياسين ضمن برنامج تكريمه من مهرجان القاهرة السينمائي الدولي، بحضور رئيس المهرجان حسين فهمي، وأدارها المنتج والسيناريست محمد حفظي.
آسر ياسين والبدايات
تحدث آسر عن بداياته قائلاً: “ذهبت للمسرح كنشاط، ثم فكرت في عمل كاستينج وبدأ يكون عندي اهتمام واضح بالمجال قبل تخرجي بسنة، حسيت أن هو ده اللي أنا عايز أعمله، وتعلمت أن السعي لوحده هو الباب”.
وأضاف: “مرة وأنا رايح أشتري كتاب لقيت ورقة عايزين ممثل يعمل دور شيخ عنده أربعين سنة، كان فيلم بيت من لحم وأنا عندي عشرين سنة وقلت أجرب واتقبلت”.
شريف عرفة
أشار آسر إلى أن المخرج شريف عرفة كان من المخرجين الذين منحوه الفرصة في بداية مشواره، وزاد من مساحة دوره في فيلم الجزيرة، موضحاً: “مشهد الحجز كان المفروض الكلام اللي بقوله للممثل اللي بيقوم بدور أخويا واتأخر، بقى الكلام ده عندي. وقتها قدرت الموقف اللي أنا فيه وركزت في اللي بقدمه، وغلطت وصلحت نفسي، يعني فيه مشهد أنا مدبر حاجة لعيلة أحمد السقا وقلبت المشهد كوميدي، أستاذ شريف عرفة وقف التصوير، وقال معانا أستاذ فؤاد المهندس يا جماعة وكلمني قالي هي حلوة بس مش في محلها”.
كما تحدث آسر عن عدم دراسته للتمثيل في معهد الفنون المسرحية قائلاً: “أنا قرأت وجربت، وناس زي أستاذ شريف عرفة قالولي إغلط وإحنا معاك”.




