موقع بصراوي | الفن والمشاهير
كشف الفنان صبري عبد المنعم عن سبب ظهوره على منصة “تيك توك”، حيث أوضح أنه يستغل وقته في تقديم موضوعات فنية وأدبية، كما تحدث عن حالته الصحية.
تعليق الفنان صبري عبدالمنعم
قال صبري عبد المنعم في بث مباشر: “أنا دلوقتي بستغل وقتي بدل ما أروح دار رعاية، وبدل ما أروح مستشفى أمراض نفسية وعقلية، ونفسي ما أتحوجش إني ما لاقيش حق الدوا”.
وأضاف: “الحمد لله أحسن شوية من الأول، بس ربنا لسه ما اشتغلتش يعني، إن شاء الله يبقى خير، عشان في مشكلة جامدة في عيني، والدكاترة منعوني من الشغل مؤقتًا لحد المشكلة دي، بإذن الله”.
وتابع: “عايش في نعمة ربنا، ومش عارف حدود شكري قد إيه، ربنا كارمني كرم غير عادي، فأنا عايش في كرم ربنا”.
وأشار إلى أن “كل أصحابي ماتوا، مفيش حد منهم غير محمود حميدة، وشوية أصدقاء يعني، ومش دايمًا بنتواصل”.
واختتم حديثه قائلاً: “أنا بطلع مش برقص، بتكلم في موضوعات مفيدة، وبتكلم في موضوعات فنية وأدبية، وموضوعات شديدة الاحترام، ماليش دعوة بحد، كل واحد حر يختار الطريق اللي يطلع بيها، أنا كل أصحابي مفيش حد دلوقتي موجود، فأنا بعوض فقدان أصحابي”.
آخر أعمال الفنان صبري عبدالمنعم
يذكر أن آخر أعمال الفنان صبري عبدالمنعم كان مشاركته في مسلسل “سراب”، من بطولة خالد النبوي، يسرا اللوزي، هاني عادل، نجلاء بدر، جيهان الشماشرجي، دياموند بو عبود، وغيرهم، والعمل من تأليف هشام هلال، وإخراج أحمد خالد.
