موقع بصراوي | الفن والمشاهير
تصدرت الفنانة منة فضالي محركات البحث بعد حديثها عن حلم الأمومة وأسباب تأجيلها الزواج والإنجاب، حيث أكدت أنها تسعى لبناء مستقبل يوفر حياة كريمة لأبنائها.
منة فضالي تكشف عن حلم تكوين أسرة
في لقاء لها ببرنامج “أسرار النجوم” مع الإعلامية إنجي علي، عبّرت منة فضالي عن رغبتها في تكوين أسرة، قائلة: “نفسي والله، أنا نفسي أجيب بيبي، وحلم حياتي إني أعيش الأمومة بجد، وممكن أسيب التمثيل في يوم وليلة، وأنا فنيت حياتي كلها في الشغل ومردتش أتجوز ولا أخلف، وقولت لا أعمل كيان”.
وأضافت: “كنت عايزة أعمل حاجة حلوة عشان لما أتجوز وأخلف أبقى عاملة رصيد حلو لعيالي وأعرف أربيهم كويس وأدخلهم مدارس كويسة، وأنا على أيامي مفيش التعليم بتاع دلوقتي، فأكيد عايزة أدخلهم أحسن حاجة في الدنيا وأسفرهم برا يدرسوا برا وأعوضهم عن حاجات أنا معملتهاش”.
منة فضالي: عايزة عيالي يتعلموا أحلى تعليم
تابعت: “أنا خريجة سياحة وفنادق ومكملتش تعليمي، فعايزة عيالي يتعلموا أحلى تعليم في الدنيا، فعمر ده ما هيجي غير وفيه بيت حلو وعيشة مستريحة، ومش عايزاهم يشوفوا يوم وحش، وضد إني أخلف ومبقاش قد الأمومة، وإني أتجوز وأطلق وأبقى بطولي، عشان أنا أمي بقت لوحدها وهي اللي ربتني بمفردها، وضد الناس اللي بتخلف وترمي عيالها”.
اختتمت حديثها قائلة: “وأنا بتمنى، بس برضه عايزة أتجوز حد كويس يراعي ربنا فيا وفي عياله، وميبقاش حد وحش، وده بقى مش مضمون دلوقتي، وأنا بخاف من صنف الرجالة غصب عني، وأنا بطبعي شكاكة جدا ومش ببقى أقصد أجرح حد، والفترة اللي فاتت لما جالي كذا حد كنت بهرب بلباقة، وفيه ناس برد رد صادم جدا: مش عايزة أتجوز”.
منة فضالي في مسلسل قلب شمس
تشارك منة فضالي في بطولة مسلسل “قلب شمس”، الذي تدور أحداثه في إطار اجتماعي رومانسي، ويسلط الضوء على العلاقات الأسرية والمواقف الإنسانية المختلفة التي يواجهها الأفراد في المجتمع المصري.
يشارك في بطولة العمل كل من: يسرا، ومحمد سامي، ودرة، وإنجي المقدم، وسوسن بدر، وانتصار، تأليف وإخراج محمد سامي.
